रेखा थापाको फिल्म ‘उपहार’को पहिलो गीत सार्वजनिक
रंग नेपाल
२०८० कार्तिक १७ मा प्रकाशित
काठमाडौं । रेखा थापाको फिल्म ‘उपहार’को पहिलो गीत सार्वजनिक गरिएको छ ।
शुक्रबार ओएसआर डिजिटल युट्युब च्यानलमार्फत फिल्मको ‘वाह वाह वाह’ बोलको गीत सार्वजनिक गरिएको हो । यो गीतको भिडियोमा अभिनेत्रीहरू रेखा थापा, पूजा शर्मा र बेनिशा हमालका साथमा अभिनेताहरू मुकुन भुसाल, तेज गिरी र समर्पण जंग कार्कीलाई प्रस्तुत गरिएको छ ।
बाबुल गिरी र एलिना चौहानले गीतमा स्वर दिएका छन् । शंकर अधिकारी ‘घायल’को शब्द रहेको गीतमा संगीत बाबुलकै रहेको छ ।
फिल्म फागुन २५ गतेबाट प्रदर्शनमा आउनेछ ।
