आरती साहलाई न्याय माग्दै माइतीघर मण्डलामा कपाल मुण्डन
रंग नेपाल
२०८० भदौ २२ मा प्रकाशित
काठमाडौं । जनकपुरधाम उपमहानगरपालिका–९ की आरती साहको न्यायका लागि आन्दोलनरत उनका आफन्तले काठमाडौंको माइतीघर मण्डलामा कपाल मुण्डन गराएका छन् ।
माइतीघरमा धर्नामा बसेका उनका परिवारका सदस्यले साहलाई न्यायको माग गर्दै कपाल मुण्डन गरेका हुन् ।
साहको न्यायका लागि उनका परिवार लगायत अधिकारकर्मीहरू ८५ दिनदेखि काठमाडौंमा आन्दोलनरत रहेका छन् । सरकारले आफूहरूको आन्दोलनलाई बेवास्ता गरेको उनीहरू गुनासो छ ।
आरती गत जेठ ८ गते घरमै झुण्डिएको अवस्थामा मृत फेला परेकी थिइन् । दाइजोको नाममा आरतीको हत्या भएको माइती पक्षको दाबी छ।
आरतीका श्रीमान् मोतीबाबु, देवर रवि, ससुरा मोहन र सासू रेणु मिलेर उनको हत्या गरेको पीडितको भनाइ छ ।
