दयाहाङ र प्रकृतिको ‘बिहे पास’को टिजर सार्वजनिक
रंग नेपाल
२०७९ फागुन ११ मा प्रकाशित
काठमाडौं । दयाहाङ राई र प्रकृति श्रेष्ठ अनिभित ‘बिहे पास’ को टिजर सार्वजनिक भएको छ ।
१ मिनेट ३७ सेकेन्डको लामो टिजर बुढा सुब्बा डिजिटलमार्फत दर्शकमाझ ल्याइएको हो ।
फर्स्ट लुक पोस्टर सार्वजनिकसँगै चर्चामा रहेको ‘बिहे पास’ को टिजरमा दयाहाङ र प्रकृतिलाई पतिपत्नीको रुपमा देखाइएको छ । जहाँ प्रकृति सरकारी अधिकृत र दयाहाङ भने सरकारी जागिरको खोजीमा मरिमेटेको देखाइएको छ ।
प्रवेश पौडेलको निर्देशनमा रोहित कटेल र रत्न श्रेष्ठले निर्माण गरेको फिल्ममा दयाहाङ र प्रकृतिसँगै श्याम राई, विशाल पहाडी, सुवास गजुरेल, हिउँवाला गौतम, रुषा न्यौपाने, नवीन शेरचन, उमा बानियाँ र प्रकाश भुजेलको अभिनय रहेको छ ।
आरआर फिल्म प्रोडक्शनको निर्माण र वितरण रहेको फिल्म पूर्वी नेपालका विभिन्न रमणीय स्थलमा खिचिएको हो । फिल्म नयाँ वर्ष २०८० को बैशाख १ गतेबाट प्रदर्शनमा आउनेछ ।
