‘छड्के २’को ट्रेलर सार्वजनिक
रंग नेपाल
२०७९ फागुन १० मा प्रकाशित
काठमाडौं । अनमोल केसी अभिनित चलचित्र ‘छड्के–२’ को ट्रेलर सार्वजनिक भएको छ ।
१ मिनेट ४१ सेकेन्डको ट्रेलरमा अनमोल खलनायक अवतारमा देखिएका छन् । प्राकृतिक स्रोत हत्याउन सङ्घर्ष गर्ने तीन ग्याङको कथा चलचित्रमा देखाइएको छ ।
निगम श्रेष्ठको लेखन तथा निर्देशनमा निर्माण भएको चलचित्रमा रोविन तामाङ, कमलमणि नेपाल, सिर्जना सुब्बा, रेशा आले मगरको अभिनय रहेको छ । चलचित्र चितवन र मुस्ताङमा छायाँङ्कन गरिएको छ ।
काभ्रे फिल्म्सको ब्यानरमा निर्माण भएको चलचित्रसँग मेधा प्रोडक्सन र निर्भाना फिल्म स्कुलले सहकार्य गरेका छन् ।
निर्मातामा प्रशान्त गिरी र देवकुमार श्रेष्ठ रहेका चलचित्रको कार्यकारी निर्मातामा निर्भाना फिल्म स्कुल र लक्ष्मण काफ्ले छन् । चलचित्र यहि फागुन १९ बाट प्रदर्शनमा आउँदैछ ।
