नाजिर अभिनित ‘गुलाबी’ को पहिलो पोस्टर सार्वजनिक
रंग नेपाल
२०७९ माघ १२ मा प्रकाशित
काठमाडौं । नाजिर हुसेनको मुख्य अभिनय रहेको चलचित्र ‘गुलाबी’ को पहिलो पोस्टर सार्वजनिक भएको छ ।
निर्देशक समुन्द्र भट्टको निर्देशनमा तयार फिल्ममा अभिनेता नाजिर हुसेन ट्रान्सवुमनको भूमिकामा देखिएका छन् ।
सार्वजनिक पोष्टरमा नाजिरलाई गाजल टिकी र नथिया लुकमा गम्भीर भएको देख्न सकिन्छ ।
नेपालमा पहिलोपटक पूर्णरूपमा ट्रान्स स्टोरीमा निर्मित यस फिल्मका लागि नाजिरले १६ केजी तौलसमेत घटाएका छन् ।
निकट भविष्यमै रिलिज हुने सिनेमामा नाजिर गुलाबी पात्रको मुख्य भूमिकामा देखिनेछन् भने अभिनेत्री सञ्चिता लुइँटेलका साथमा शुशिल सिटौला, राजकुमार घोष, शिशिर राणा, अनुपम श्रेष्ठ, विशाल पहारीलगायतका कलाकार पनि छन् ।
द स्काइ ओसन इन्टरटेन्मेन्टको ब्यानरमा निर्मित गुलाबीलाई आलोक शुक्लाले छायांकन गरेका हुन् । संगीत भने लेखु सहयात्री र सान भुषालले भरेका छन् ।
