अभिनेता प्रदीप खड्काको फिल्म ‘कामिनो’ को थिम पोस्टर सार्वजनिक
रंग नेपाल
२०७९ माघ १२ मा प्रकाशित
काठमाडौं । अभिनेता प्रदीप खड्काको फिल्म ‘कामिनो’ को थिम पोस्टर सार्वजनिक भएको छ ।
दीपक ओलीको निर्देशनमा निर्माण हुने फिल्मको थिम पोस्टर बुधबार सामाजिक सञ्जालमार्फत सार्वजनिक गरिएको हो ।
एक्सेस नेपाल फिल्मस्को निर्माण, पूर्ण लामा क्रिएटिभ डिरेक्टर र सुनील विष्ट गौली कार्यकारी निर्माता रहेको फिल्मको स्क्रिप्ट महेश दवाडीले लेखेका हुन् ।
प्रदीप र ‘कामिनो’ निर्माण पक्षबीच गत शुक्रबार औपचारिक सम्झौता भएको थियो । नेपाल र ल्याटिन अमेरिकाका विविध स्थानमा छायाङ्कन हुने फिल्म प्रेम, रोमान्स र सस्पेन्सपूर्ण हुने निर्देशक ओलीले बताए ।
चैत्र तेश्रो साताबाट छायाङ्कन गर्ने लक्ष्य राखिएको फिल्ममा सौरभ लामाको छायाङ्कन, एसडी योगी र अलिस कार्कीको सङ्गीत, सम्राट बस्नेतको द्वन्द्व र दिनेशप्रकाश महराको प्रोडक्शन डिजाइन रहेको छ । दिनेशबहादुर राउत मुख्य सहायक निर्देशक रहेको फिल्मको सहायक निर्देशकमा अमृतमान ओली छन् ।
फिल्मको हिरोइन लगायत अन्य कलाकार तथा प्राविधिक चयन कार्य छिट्टै समापन गर्ने तयारी निर्माण पक्षको छ ।
