शाहरुख र दीपिका अभिनित ‘पठान’को ट्रेलर सार्वजनिक
रंग नेपाल
२०७९ पुष २६ मा प्रकाशित
काठमाडौं । भारतीय अभिनेता शाहरुख खान र अभिनेत्री दीपिका पादुकोण अभिनित चलचित्र ‘पठान’ को ट्रेलर सार्वजनिक भएको छ ।
मंगलबार सार्वजनिक भएको ट्रेलरमा शाहरुख र दीपिका पादुकोणसँगै जोन अब्राहम देखिएका छन् । एक्सनथ्रीलरले भरिपूर्ण पठान शाहरुखको पाँच वर्षपछि कमब्याक फिल्म हो ।
शाहरुख पछिल्लो समय सन् २०१८ मा फिल्म ‘जिरो’मार्फत ठुलो पर्दामा प्रस्तुत भएका थिए । सो फिल्म फ्लप भयो र शाहरुख ठूलो पर्दाबाट लामो ब्रेक लिएका थिए ।
फिल्ममा सिद्धार्थ आनन्दको निर्देशन र आदित्य चोपडाको निर्माण छ । चलचित्र आउँदो यहि २५ जनवरीमा रिलिज हुँदैछ ।
