सौरभको निर्देशनमा चलचित्र ‘अगस्त्य’ बन्ने
रंग नेपाल
२०७९ पुष १८ मा प्रकाशित
काठमाडौंं । सौरभ चौधरीको निर्देशनमा चलचित्र ‘अगस्त्य’ निर्माण हुने भएको छ । डार्क हर्स इन्टरटेन्टमेन्टको ब्यानरमा निर्माण हुने चलचित्र प्रकाश मल्ल र अनिश तामाङले बनाउन लागेका हुन् ।
केही नेपाली र केही भारतीय कलाकारको अभिनय रहने चलचित्र सस्पेन्स थ्रिलर विषयमा निर्माण हुन लागेको हो । ‘अगस्त्य’ च्याप्टर १ र च्याप्टर २ गरेर दुई पार्टमा निर्माण हुन लागेको हो ।
चलचित्रको दुबै पार्टको लेखन समेत निर्देशक सौरभ आफैले गरेका हुन् । चलचित्रको दुबै पार्टको लेखन समेत सकिएको छ । नेपाल र भारतमा बराबर जस्तो सुटिङ हुने चलचित्र आफ्नो ड्रिम प्रोजेट रहेको निर्देशक सौरभले बताए । ‘करिब ३ वर्षदेखि म यो प्रोजेटमा काम गरिरहेको छु,’ सौभरले भने ।
राजेश श्रेष्ठको छायांकन रहने चलचित्रको कलाकार केही छनोटको क्रममा छन् । चलचित्रको छायांकन आगामी वैशाखको अन्तिमदेखि सुरू हुनेछ । सौभरले यसअघि ‘लभ डायरिज’ चलचित्र निर्देशन गरेका थिए ।
