फुलबारीको टिजर सार्वजनिक
रंग नेपाल
२०७९ पुष ७ मा प्रकाशित
काठमाडौं । रामबाबु गुरुङ निर्देशित चलचित्र ‘फुलबारी’ को टिजर सार्वजनिक भएको छ ।
२ मिनेट लामो टिजरमा विपिन कार्की र अरुणा कार्की दम्पतिको भूमिकामा देखिएका छन् । पारिवारिक कथालाई समेटेको यस चलचित्रले अभिभावक र सन्तानबीचको सम्बन्धको कथा रहेको छ ।
चलचित्रमा विपिन र अरुणासंगै दयाहाङ राई, प्रियंका कार्की, गौमाया गुरुङ, शिल्पा मास्के, अनुपम शर्मा, सोमनाथ खनाल, मनिष ढकाल, लोकेन्द्र लेखक लगायतका कलाकारहरुको अभिनय रहेको छ ।
यशोदा फिल्म्स प्रोडक्सनको ब्यानरमा बनेको चलचित्रका निर्माता मनिष ढकाल हुन् ।
चलचित्र फागुन ५ देखि प्रदर्शन हुने बताइएको छ ।
