दीपिकाको पहिरनमा मध्य प्रदेशका गृहमन्त्री मिश्राको आपत्ति
रंग नेपाल
२०७९ पुष १ मा प्रकाशित
काठमाडौं । मध्य प्रदेशका गृहमन्त्री नरोत्तम मिश्राले शाहरुख खानको फिल्म पठानमा अभिनेत्री दीपिका पादुकोणको पहिरनलाई लिएर आपत्ति जनाएका छन् ।
चलचित्र पठानको बेशरम रंग गीतमा दीपिका पादुकोणले लगाएको पहिरनलाई लिएर मध्य प्रदेशका गृहमन्त्री मिश्राले आपत्ति जनाएका हुन् ।
उनले दीपिकालाई कथित टुक्डे टुक्डे गिरोहको समर्थक भनेका छन् । उनले गीतका दृश्य र वेशभूषा सच्याउनु पर्ने बताएका छन् ।
मिश्राले भनेका छन्, ‘पठान फिल्मको गीतमा टुक्डे टुकडे गिरोहकी समर्थक अभिनेत्री दीपिका पादुकोणको पहिरन निकै आपत्तिजनक छ र गीत भ्रष्ट मानसिकताका साथ खिचिएको छ । गीतका दृश्य र वेशभूषा सच्याउनुपर्छ, नत्र मध्यप्रदेशमा फिल्म चल्न दिने कि नदिने, सोच्ने विषय हो ।’
