चलचित्र ‘रिभेन्ज लभ’को ट्रेलर सार्वजनिक
रंग नेपाल
२०७९ मंसिर २९ मा प्रकाशित
काठमाडौं । मन्दीप राना निर्देशित चलचित्र ‘रिभेन्ज लभ’ को ट्रेलर सार्वजनिक भएको छ ।
ट्रेलरमा नयाँ तथा पुराना कलाकारको अभिनय छ । पोखरेली युवाले मिलेर चलचित्र निर्माण गरेका हुन् । प्रेममा बदला र समर्पणको कथावस्तुलाई मनोरञ्जनात्मक तवरले प्रस्तुत गरिएको छ । निर्देशक रानाले आधुनिक युवापुस्ताको प्रेमको प्रवृत्तिलाई चलचित्रमा उतारिएको बताए ।
चलचित्रमा देशभक्त कुँवर, विजय कुमार, अविराज बिसी, अर्जुन गिरी, गीत सुनार, रोशनी सुनैना, सुस्मिता परियार, तुलसा क्षेत्री, लक्ष्मण रोकाको अभिनय छ । चलचित्रमा द्वन्द्व र नृत्य निर्देशन पनि रानाले गरेका छन् । चलचित्रको छायांकन राहुल राई, सम्पादन नेत्र गुरुङ र अशोक आलेले छ ।
