कविता संग्रह ‘अगुल्टो’ विमोचन

प्यूठान । प्यूठान नगरपालिका–४ टारी निवासी युवा साहित्यकार सुमन सुवेदीको कविता संग्रह ‘अगुल्टो’ सार्वजनिक गरिएको छ । सुवेदीद्वारा लिखित कविता संग्रहको बुधबार सहिद दिवसको अवसरमा विमोचन गरिएको हो । सुवेदीको यो पहिलो कृति हो ।

प्यूठान–७ सहिद पार्कमा आयोजित कार्यक्रममा सहिद पार्क निर्माण समितिका अध्यक्ष एवं कार्यक्रमका प्रमुख अतिथि ज्ञामुराम न्यौपानेले कविता संग्रहको विमोचन गरे । विमोचन गरिएको संग्रहमा ५२ वटा कविता समावेश गरिएको छ ।

साहित्य परिषद् प्यूठानले आयोजना गरेको कार्यक्रमका सहभागिहरुले युवा साहित्यकार सुवेदीले समाजमा रहेका अन्याय, अत्याचार, भ्रष्टाचारको विरुद्धमा निरन्तर आवाज उठाइरहेको बताए ।

साहित्य परिषद् प्यूठानका कार्यवाहक अध्यक्ष विमला खनालको अध्यक्षतामा भएको कार्यक्रममा स्वागत साहित्य परिषद् प्यूठानका कोषाध्यक्ष राजकुमारी कुँवर र सञ्चालन सचिव ध्रुव गिरीले गरेका थिए । सहिद दिवसको अवसरमा कविता वाचन तथा रक्तदान कार्यक्रमसमेत गरिएको थियो ।

कार्यक्रममा नागरिक सरोकार समाजले पत्रकार सलिम मियाँलाई कदरपत्र र दोसल्लाले सम्मान गरेको थियो ।

सम्बन्धित समाचार

एलिना चौहानको आग्रह– निजी जीवनबारे धेरै चर्चा नगरिदिनुहोस्

राजमौलीको नयाँ फिल्मको सुटिङमा कलाकारलाई फोन लैजान प्रतिबन्ध

सुशीला ढकालको गीत ‘उठ नेपाली, जुट नेपाली’ रिलिज

नयाँ चलचित्रको निर्देशन गर्दै मिलन चाम्स