सगरमाथा आरोहणको तयारीमा कविता नेपाली

काठमाडौं । चलचित्र ‘एक्लो’की नायिका कविता नेपालीले विश्वको सर्वोच्च शिखर सगरमाथा आरोहण गर्ने भएकी छन् । यतिबेला उनी सगरमाथा आरोहणको लागि आवश्यक पूर्व तयारीमा रहेकी छन् ।

डान्सिङ रियालिटी शोको विजेता बनेकी नेपालीले सयभन्दा बढी म्युजिक भिडियो, वेव सिरिजमा काम गरिसकेकी छन् । उनी अभिनित पहिलो चलचित्र ‘एक्लो’को छायांकन सकेर युकेमा पोस्ट प्रोडक्सनको कार्य भइरहेको छ ।

साइन्स फिक्सनमा आधारित रहेर निर्माण भइरहेको चलचित्र ‘एक्लो’को छायांकनको लागि अपर मुस्ताङमा पुग्दा सगरमाथा चढ्ने सोच पलाएको नेपालीले बताइन् । सगरमाथा चढ्नु अघि अन्य हिमालहरु चढ्नु पर्ने र आवश्यक तालिमसमेत लिनुपर्ने भएकाले उनी अहिले तयारीमा जुटेकी हुन् । उनी अहिले सगरमाथा बेस क्याम्पमा तयारी गर्दै गरेकी छन् ।

सगरमाथा चढ्नु जोखिम काम हो अझै महिलाहरुको लागि त् झन् जोखिम हो । जोखिम काम सफलता गरेर नै आफ्नो र देशको नाम राख्ने उनी बताउँछिन् ।

कविता नेपालीलाई सगरमाथा चढ्न चलचित्र ‘एक्लो निर्माण टिमले पनि आवश्यक सहयोग गर्ने चलचित्रका कार्यकारी निर्माता विनोद सुवेदी क्षितिजले बताए ।

प्रदीप शाहीको निर्देशनमा बनेको चलचित्र ‘एक्लो’मा नेपालीसँगै प्रदीप खड्का, विजय लामा, सुनील थापा, दिया पुन, वेनिशा हमाल, दिनेश डीसी, सुरज सिंह ठकुरी, त्रिचु राई, कृष्णभक्त महर्जन, विकास अधिकरी, दिग्गज खत्री , विनोदकुमार सुवेदी क्षितिज, श्रीशेष श्रेष्ठ, बाल कलाकार जेमिन श्रेष्ठ र स्योन सविक सिंहलगायत बेलायती अभिनेता जेमी बेकनको अभिनय रहेको छ ।

सम्बन्धित समाचार

यस्तो छ दयाहाङ अभिनित ‘कार्साङ’को टिजर

बुटवलमा खुल्यो फ्रेन्डस् सिनेमाज्

फिल्म ‘ह्रस्व दीर्घ’ले कति कमायो ?

‘कर्मा’मा उपासना र मुकुन अनुबन्धित