विक्रम सुनारको म्युजिक भिडिओ ‘निगाली झाँपो’ सार्वजनिक
रंग नेपाल
२०८१ भदौ १२ मा प्रकाशित
काठमाडौं । पत्रकार विक्रम सुनारको स्वर रहेको ‘निगाली झापो’ म्युजिक भिडिओ सार्वजनिक भएको छ ।
सुनार र गायिका प्रीति आलेको आवाजमा रहेको गीत कमल थापा युट्युब च्यानलमार्फत सार्वजनिक गरिएको हो । सुनारले यसअघि पनि आफ्ना केही गीतहरू बजारमा ल्याइसकेका छन् ।
‘निगाली झाँपो’को लय तथा शब्द सिर्जना कलाकार भुवन बिकेले गरेका हुन् । गीतमा भुवन बिकेले नै संगीत संयोजन गरेका छन् ।
म्युजिक भिडिओमा अस्मिता रनपाल, यशु भट्टराई, अजय बिके, भुवन बिके, विक्रम सुनारलगायतको अभिनय रहेको छ ।
म्युजिक भिडिओको निर्देशन कमल थापाले गरेका हुन् भने छायांकन सुमन थापा र विकास थापाले गरेका छन् । भिडिओ सम्पादन भने सुमन थापाले गरेका हुन् ।
