‘यो तीजमा नाच्न लाइछु बरिलै’मा ममता ओली र दिया
रंग नेपाल
२०८१ भदौ २ मा प्रकाशित
काठमाडौं । नेपाली महिलाहरुको महान् पर्व तीज नजिकिँदै गर्दा विभिन्न तीज गीतहरू सार्वजनिक भइरहेका छन् । यसैक्रममा तीजको मौलिकतालाई जोगाउने प्रयास स्वरूप नयाँ तीज गीत ‘यो तीजमा नाच्न लाइछु बरिलै’ बजारमा आएको छ ।
गायिका सपना थापाको स्वरमा रहेको गीतमा गौरव गिरीको शब्द र संगीत रहेको छ । मुकेश नेपालीद्वारा निर्देशित गीतको भिडिओमा ममता ओली र दिया लामाले कम्मर मर्काएका छन् ।
पछिल्लो समयमा तीज गीतहरूमा मौलिकता हराउँदै गएको र उच्छृंखल भिडिओहरू आइरहेको बेला यो गीतले तीजको परम्परागत स्वरूप र मौलिकतालाई जीवन्त राख्ने प्रयास गरेको छ । यसले नेपाली संस्कृति र परम्पराको महत्त्व बोकेको तीज पर्वको वास्तविक भावनालाई प्रतिबिम्बित गर्ने आशा गरिएको छ ।
तीज नजिकिँदै गर्दा सांस्कृतिक मूल्य र मान्यतालाई जोगाउने प्रयासहरूले नेपाली समाजमा सकारात्मक सन्देश दिने विश्वास गरिएको छ ।
