युएईमा ‘नेपाल आइडल विथ स्टेन्डअप कमेडी’ हुँदै
रंग नेपाल
२०८१ साउन १८ मा प्रकाशित
काठमाडौं । नेपाल आइडल सिजन ५ का विजेता करण परियारको उपस्थितिमा युएईमा नेपाल आइडल विथ स्टेन्डअप कमेडी हुने भएको छ ।
आगामी अगस्ट ३ र ४ तारिख युएईको राजधानी अबुधाबी र दुबईमा आयोजना हुने कार्यक्रममा नेपाल आइडल सिजन ५ का विजेता करण परियार, फस्ट रनरअप सलोनी गुरुङ, सेकेन्ड रनरअप सचिन विश्वकर्मासहित कमेडियनद्वय सुमन कोइराला (दले दाइ) र सजन श्रेष्ठले प्रस्तुति दिनेछन् ।
अन्तर्राष्ट्रिय नेपाली कलाकार समाज (ईनास) र द अरनिको इन्टरटेन्मेन्टको आयोजनामा हुन लागेको यो कार्यक्रम नेपाल आइडल सिजन ५ का विजेता र उपविजेताहरुको पहिलो अन्तर्राष्ट्रिय कार्यक्रम हो । यस कार्यक्रमलाई नेपालतर्फबाट दामी मिडियाले संयोजन गरेको हो ।
नेपाल आइडलको अन्तर्राष्ट्रिय टुरको म्यानेजमेन्ट गरिरहेको दामी मिडियाले अन्य देशहरूमा पनि कार्यक्रमको तयारी गरिरहेको सिइओ सुदिप पोख्रेलले जानकारी दिए ।
अबुधाबीस्थित मेरिडियन होटलको द एक्सचेञ्ज क्लबमा हुने कार्यक्रमको व्यवस्थापन नेपाल ड्युड्स र द जात्रा ईभेन्टसले गर्दैछ भने बिबिटी रेष्टुरेन्ट, भान्साघर रेष्टुरेन्ट, गृन स्काई ट्राभल्सलगायतले प्रायोजन गरेका छन् ।
