प्रचण्डबाबुको गीत ‘अमेरीकामा ब्रेकफाष्ट गरौंला’ सार्वजनिक
रंग नेपाल
२०८० मंसिर ३० मा प्रकाशित
काठमाडौं । गायक प्रचण्डबाबु राई पुनः आफ्नो नयाँ गीत ‘अमेरिकामा ब्रेकफास्ट’ लिएर नेपाली सांगीतिक क्षेत्रमा आएका छन् ।
राम गोपाल ‘आशुतोष’को शब्द र लोकप्रिय संगीतकार हरि लम्सालको संगीत रहेको गीतमा देवेन्द्र नेवाको एरेन्ज रहेको छ । प्रचण्डबाबु र अस्मिता अधिकारीले युगल गायन रहेको गीतको भिडियो सार्वजनिक भएको हो ।
आम नागरिकले देख्ने सपनाका शब्दलाई समेटेर गीत तयार पारिएको गीतको भिडियोमा मोडेल कविता नेपाली र सुरेश देवलको अभिनय रहेको छ ।
भिडियोलाइ रोशन श्रेष्ठले निर्देशन गरेका हुन् । सफल गनेजुको सिनेमाटोग्राफी, गम्भीर बिस्टको कोरियोग्राफी र प्रविन भट्टको सम्पादन रहेको भिडियोलाई ऐतिहासिक वसन्तपुर दरबार क्षेत्रमा छायांकन गरिएको छ ।
