हरेक शुक्रबार ‘फ्राईडे नाइट विथ ह्याप्पियस्ट म्यान’ गर्दै भूठान

काठमाडौं । आगामी वैशाख १२ मा प्रदर्शन हुन लागेको चलचित्र ‘भूठान’ले हरेक शुक्रबार काठमाडौंका चल्तीका चियापसल र रेष्टुँराहरुमा फ्राईडे नाईट विथ ह्याप्पियस्ट म्यान क्याम्पेन गर्ने भएको छ ।

यही सिलसिलामा पहिलो कार्यक्रम थापाथलीस्थित चियावालामा चैत ८ गते साँझ ५ः३० मा हुन लागेको हो । यो कार्यक्रममा चियापसलमा आएका जो कसैले आफनो गीत, कविता, मुक्तक, गजल, क्यारिकेचर प्रस्तुत गर्नसक्ने साथै चलचित्र भूठानको टिजर र गीतको समीक्षा पनि गर्न सक्नेछन् । हरेक हप्ता एकजना सेलिब्रेटीलाई कार्यक्रममा ह्यापियस्ट गेस्टको रुपमा निमन्त्रणा गरिनेछ ।

यो हप्ता कवि एवं सञ्चारकर्मी रुपेश श्रेष्ठले प्रमुख अतिथिको रुपमा अन्तिममा आफ्नो प्रस्तुती दिनेछन् । कार्यक्रममा उपस्थित मध्य ३ जनाले लक्की ड्रमार्फत सोही कार्यक्रममै भूठानको टिकट पनि जित्नेछन् ।

चलचित्रका एक निर्माता अविरल थापाका अनुसार यो कार्यक्रम गर्नुको अभिप्राय चलचित्रका दर्शकसँग प्रत्यक्ष साक्षात्कर गर्नु, सिनेमाको बारेमा गफ गर्दै मनोरञ्जन गर्नु रहेको छ । थापाका अनुसार मार्च २० तारिखलाई संयुक्त राष्ट्र संघले अन्तर्राष्ट्रिय खुशी दिवसको रुपमा मनाउँदै आएको छ र सोही अवसर पारेर वैशाख ५ गतेसम्म खुशीको हप्ता मनाउने कार्यक्रम घोषणा गरिएको हो ।

चलचित्र भूठान विदेशमा रहेको आप्रवासीले आफ्नो घर फर्कन नपाएको कथामा विनोद पौडेलले निर्देशन गरेका हुन् भने यसमा हरिवंश आचार्य, दयाहाङ राई, पूजा चन्द, रिचा घिमिरे, अदिती प्याकुरेल, जोयश पाण्डे लगायत हलिउड कलाकार ब्रुस डर्नको पनि अभिनय रहेको छ ।

सम्बन्धित समाचार

रमा–कृष्ण साहित्य सम्मान समालोचक चूडामणि बन्धुलाई

नयाँ गीत ‘छट्पटिएको त्यो दिन फेरि किन याद आयो’ सार्वजनिक

राजेश हमाल भन्छन्– कलाकारको उमेर होइन, अभिनय हेरिन्छ

४५ वर्षको उमेरमा व्यापारीकी छोरीसँग विवाह गर्दैछन् प्रभास