पुष्पा २ को स्क्रिनिङमा मृत्यु भएकी महिलाको परिवारलाई अल्लु अर्जुनले २५ लाख भारु दिने

नयाँ दिल्ली । अभिनेता अल्लु अर्जुनले फिल्म ‘पुष्पा २’ को स्क्रिनिङको क्रममा भागदौडमा ज्यान गुमाएका महिलाको परिवारलाई २५ लाख भारतीय रुपैयाँ दिने भएका छन् । उनले मृतक रेवतीका परिवारप्रति समवेदना पनि प्रकट गरेका छन् । अल्लुले यो घटनाबाट आफू दुःखी भएको बताए । घाइतेहरूको पनि आफ्नै खर्चमा उपचार गराउने उनको भनाई थियो ।

अल्लु बुधबार राति हैदराबादको सन्ध्या थिएटर पुगेका थिए । उनलाई हेर्न भीड जम्मा भयो । तर एक्कासी भागदौड मच्चिँदा रेवतीको मृत्यु भएको थियो भने ३ जना घाइते भएका थिए । रेवतीका ९ वर्षीय छोरा श्रेतेज पनि घाइते भएका छन् । मृतकका श्रीमान् आफ्नी श्रीमती र छोराको अवस्थाको लागि अल्लु अर्जुन नै जिम्मेवार रहेको बताउँछन् । उनको टोलीले थिएटरमा आएर प्रहरीलाई खबर गरेको भए यति ठुलो दुर्घटना नहुने उनको भनाई थियो ।

अल्लुले शुक्रबार एक्स ह्यान्डलमा एउटा भिडियो सेयर गरेका छन् । जसमा उनले भने– सन्ध्या थिएटरमा भएको दुःखद घटनाले म दुःखी छु । यस दुःखद घडीमा परिवारमा मेरो समवेदना। म उहाँहरूलाई यो पीडामा एक्लै छैनन् भन्ने विश्वास दिलाउन चाहन्छु। परिवारलाई व्यक्तिगत रूपमा भेट्ने छु । यो कठिन घडीमा म उहाँहरूलाई सक्दो सहयोग गर्न तयार छु ।’ एजेन्सी

सम्बन्धित समाचार

पुष्पा २ ले तोड्यो सबै रेकर्ड

फिल्म ‘दुई नम्बर जिल्ला’को गीत सार्वजनिक

‘मिसिङः केटी हराएको सूचना’को नयाँ प्रदर्शन मिति सार्वजनिक

सुरु भयो ‘प्रेम गीता’को छायांकन