फिल्म ‘सत्या’को ट्रेलर सार्वजनिक
रंग नेपाल
२०८१ मंसिर ५ मा प्रकाशित
काठमाडौं । यही मंसिर १४ गतेबाट प्रदर्शन हुने एक्सन लभस्टोरी फिल्म ‘सत्या’को ट्रेलर सार्वजनिक गरिएको छ ।
मिलन आले मगरको निर्देशनमा बनेको फिल्मको साढे दुई मिनेट लामो ट्रेलरमा एक्सनलाई वशेष जोड दिइएको पाइन्छ ।
विकास थापा मगरको प्रस्तुति रहेको फिल्ममा राज कालाखेती, प्रिया शर्मा, करणसिंह बोहरा, विकास थापा मगर, वर्षा थिङ, सुमन खत्री, तेजा ऐर, ममता पौडेललगायतका कलाकारहरुको अभिनय रहेको छ ।
ट्रेलर लञ्ज प्रोग्राममा निर्देशक आलेमगरले ‘सत्या’ केही समयअघि निर्माण गरिएको भए तापनि समयसान्दर्भिक रहेको बताए । प्रस्तुतकर्ता तथा अभिनेता विकास थापामगरले फिल्मका हिरोइन तथा केही निर्माता विदेशमा रहेकाले प्रदर्शनमा ढिला भएको बताउँदै ‘सत्या’ भरपुर मनोरञ्जक बनेको दाबी गरे ।
यसै फिल्मबाट अभिनयमा पाइला राखेका राज कालाखेतीले ‘सत्या’बाट आफू निकै आशावादी रहेको बताए । उनले पछिल्लो समय एक्सन फिल्मप्रति दर्शकको रुचि बढेकाले आफ्नो फिल्म पनि दर्शकले मन पराउने विश्वास व्यक्त गरे ।
धनेश्वर फिल्मस् एण्ड एडभरटाइजिङको प्रस्तुत रहेका ‘सत्या’को निर्मातामा सुमन खत्री र झुम्कादेवी कालाखेती छन् ।
विकास थापा मगरको प्रस्तुति रहेको फिल्मको स्क्रिप्ट श्रवण सम्राटले लेखेका हुन् । सुमनकुमार तण्डुकारले खिचेको फिल्मका गीतमा विकास चौधरीको संगीत, रामजी लामिछाने, सुरेश पाण्डे र सुरेन बसेलको कोरियोग्राफी तथा तारा थापा ‘किम्भे’को सम्पादन छ ।
