‘पिरतीले सल्काइदेउ’ म्युजिक भिडियो सार्वजनिक
रंग नेपाल
२०८१ मंसिर २ मा प्रकाशित
काठमाडौं । सविन कुमार तोलाङ्गीको निर्देशनमा तयार पारिएको ‘पिरतीले सल्काइदेउ’ बोलको गीतको म्युजिक भिडियो सार्वजनिक गरिएको छ ।
सार्वजनिक गीतमा कृष्ण भटराई र नितु पौडेलको आवाज रहेको छ । रोमान्टिक गीतमा लोक राईको शब्द तथा बाबुल गिरीको संगीत र एरेन्ज रहेको छ ।
सार्वजनिक गीतको भिडियोमा साया भण्डारी, अनुराग थपलिया, प्रिन्स युवराज कार्की र रानु कार्कीको अभिनय देख्न सकिन्छ । भिडियोमा करण सिंह चैसिरको छायांकन,सन्देश वि।कको कोरियोग्राफी,पदम सुवेदीको सम्पादन रहेको छ ।
प्रिन्स युवराज कार्की निर्माता र अभिनेता रहेको चलचित्र तेलभिसा यहि मंसिर ७ गतेबाट प्रदर्शनमा आउने तयारीमा रहेको छ ।
भिडियोको कार्यकारी निर्माता शिवराज कार्की छन् भने प्रिन्स युवराज कार्की र रानु कार्की निर्माता रहेका छन् । कमल प्रसाद शर्माको निर्माण संयोजन रहेको म्युजिक भिडियोमा भुवन श्रेष्ठ व्यवस्थापकमा रहेका छन् । भिडियो तपस्या युट्युब च्यानलमार्फत सार्वजनिक गरिएको छ ।
