‘मिस्टर वर्ल्ड २०२४’ मा सहभागी जनाउन सन्तोष लोक्सम भियतनाम प्रस्थान
रंग नेपाल
२०८१ कार्तिक १९ मा प्रकाशित
काठमाडौं । ‘मिस्टर नेपाल २०२४’ को विजेता सन्तोष लोक्सम लिम्बु भियतनाम प्रस्थान गरेका छन् ।
आगामी नोभेम्बर महिनामा भियतनामा संचालन हुने ‘मिस्टर वर्ल्ड २०२४’ मा नेपालको प्रतिनिधित्व गर्दै उनी सोमबार प्रस्थान गरेका हुन् । त्रिभुवन अन्तर्राष्ट्रिय विमानस्थलनमा सञ्चारकर्मीहरुसँग कुराकानी गर्दै उनले ‘मिस्टर वर्ल्ड २०२४’ मा नेपालको प्रतिनिधित्व गर्दै देशको सुन्दरता प्रस्फुटन गर्न जान पाउँदा गर्वको महशुस भएको बताए ।
उनले भने, ‘मलाई खुसी लागेको छ । मिस वल्र्डको मलाई ५ वर्ष पूरा हुँदै छ । धेरै जनाको सपना बोकेर म जाँदै छु । आफ्नो देशको सुन्दरता प्रस्फुटन गर्न जाँदैछु , यसका कारण पनि म धेरै गर्व गर्न चाहन्छु । ’
गएको भदौं ८ गते मिस्टर नेपाल २०२४’ को विजेता बनेसँंगै उनी आधिकारिक रूपमा ‘मिस्टर नेपाल वर्ल्ड २०२४’ चयन भएका छन् ।
