अभिनेत्री नन्दिता केसीले गरिन् इन्गेजमेन्ट

काठमाडौं । अभिनेत्री नन्दिता केसीले कार्डियोलोजिस्ट डा. अरविन्द्र कटवालसँग इन्गेजमेन्ट गरेकी छन् । केही दिनअघि क्यानडामा उनीहरुबीच इन्गेजमेन्ट भएको बताइएको छ ।

नन्दिताले प्रेमी अरविन्द्रले आफूलाई प्रस्ताव राखेको र आफूले हुन्छ भनेको बताएकी छन् । उनले सामाजिक सञ्जालमा अरविन्द्रले औंठी लगाइदिएको तस्वीर सेयर गर्दै भनेकी छन् –‘जीवनको नयाँ यात्राको सुरुवात… मैले हुन्छ भने…’

उनीहरुको विवाह यहि फागुनको १९ गते शनिबार काठमाडौंमा हुने बताइएको छ । उनीहरुको मागी विवाह हुन लागेको हो ।

अरविन्द्र अमेरिकाको नर्थ क्यालिफोर्नियामा बस्दै आएका छन् भने नन्दिता पनि पछिल्लो समय अमेरिकामा बस्दै आएकी छन् । अहिले भने नन्दिता काठमाडौंमा छिन् । उनी विवाहको लागि एक महिना अगाडि काठमाडौं आएको बताइएको छ ।

नन्दिताले ‘इन्द्रेणी, कैफियत, बाटोमुनिको फूल, हामी तीन भाई, युगदेखि युगसम्म, निशाना, जंगबहादुरको कोट, सपना, मृगतृष्णा’ लगायतका फिल्ममा काम गरेकी छन् ।

सम्बन्धित समाचार

बुलेट प्रुफ बनाइयो सलमान खानको बालकनी र झ्याल

‘एक जोर जुत्ता’ कथामा बन्यो लघुचलचित्र

‘मिसिङः केटी हराएको सूचना’को गीत ‘सपनीमा’ सार्वजनिक

यस्तो छ सविन श्रेष्ठको नयाँ गीत ‘बिहानीको किरण’