‘कला–संस्कृति संरक्षणका लागि महाविद्यालय स्थापनाको तयारी’
रंग नेपाल
२०८० माघ ९ मा प्रकाशित
काठमाडौं । नारायण गोपाल संगीत कोषका महासचिव तथा तारादेवी स्मृति फाउण्डेसनका अध्यक्ष दीपक केसीले देशको कला संस्कृति संरक्षण गर्नका लागि महाविद्यालय खोल्ने तयारी भइरहेको बताएका छन् ।
स्वर किन्नरी तारादेवी श्रेष्ठको १८औं स्मृतिमा आयोजित श्रष्टा सम्मान तथा सांगीतिक कार्यक्रममा उनले महाविद्यालयको भवन निर्माण भइसकेको भन्दै त्यहाँ सम्पूर्ण कलाकारहरुलाई निःशुल्क रेकर्डिङ्, गाउने र सिक्ने व्यवस्था गर्ने बताए । उनले भने, ‘महाविद्यालय खोल्ने तयारी गरेर भवन निर्माण गरेका छौ । त्यहाँ कलाकारहरुलाई निःशुल्क रेकर्डिङ्को व्यवस्थादेखि गाउने र सिक्ने व्यवस्था गरिनेछ ।’
हरेक नागरिक र नेताले आफ्नो देशको कला, संस्कृति र सम्पदाको संरक्षण गर्न नसके अर्काको दासत्वातिर जानुपर्ने अवस्था आउने उनको भनाइ छ । उनले भने, ‘हामीले आफ्नो कला संस्कृति र सम्पदाको संरक्षण गर्न सक्दैनौ भने बुझ्नुस् त्यो देशकान ागरिक अर्काको दासत्वातिर अगाडि बढिसकेको छ । संस्कृति भनेको हाम्रो पहिचान हो, यसलाई संरक्षण गर्नु सक्नुपर्छ । नत्र हामी पनि नाश हुँदै जानेछौ ।’
कार्यक्रममा पुरस्कृत भएका वरिष्ठ संगीतकार दिपक जंगमले पुरस्कार प्राप्त भएकोमा खुसी व्यक्त गर्दै यसले काम गर्न अझै हौसला प्राप्त हुने बताए । त्यसैगरी, वरिष्ठ गीतकार विश्वबल्लभले तारादेवीको प्रशंसा गर्दै तारादेवी स्वर सागरमात्रै होइन ‘स्वर सगरमाथा’ भएको बताए । पुरस्कृत वरिष्ठ गायिका तारा थापाले तारादेवीको सम्झना गर्दै उनी कलाकार अरु नभएको बताइन् ।
