जर्जियामा लोयाङलाई ‘वल्र्ड राइजिङ स्टार २०२४’ को उपाधि

काठमाडौं । जर्जियामा भएको ‘वल्र्ड राइजिङ स्टार २०२४’मा नेपाली प्रतियोगी लोयाङ शेर्पाले शीर्ष उपाधि जितेका छन् ।

कपनको त्रिज्योति स्कुलमा कक्षा ७ मा अध्ययनरत लोयाङले ४० देशका बालबालिकालाई पछि यो उपाधि जितेका हुन् । ट्यालेन्ट राउन्डमा ‘रेशम फिरिरी’ गीत गाएका उनले विधातर्फ ‘ट्यालेन्ट राउन्ड’को अवार्ड पनि जिते ।

प्रतियोगितामा एन्जल बाबु कट्टेलले ‘ट्यालेन्ट अवार्ड’ र सनिस्ता रेग्मीले ‘युरोसिया’ अवार्ड जिते । उनीहरु प्रतियोगितामा सहभागी भई मंगलबार बिहान काठमाडौं फर्किएका छन् । लोयाङले शीर्ष उपाधि जित्दा खुशी लागेको बताए ।

शेर्पाले प्रतियोगिताको ‘कल्चरल राउण्ड’मा शेर्पा जातिको पोसाक बख्खु लगाएका थिए । लोयाङका पिता जाङ्बु शेर्पाले छोराले प्रतियोगिताको शीर्ष उपाधि जित्छ नै भन्ने आफूले नसोचेको बताए । प्रतियोगितामा ‘वल्र्ड राइजिङ स्टार २०२३’ का विजेता प्रसुन जंग पोखरेल विशेष अतिथिका रुपमा गएका थिए ।

प्रतियोगीलाई जर्जिया पठाउने व्यवस्थापन गरेको परिवर्तन इभेन्ट हाउसकी प्रमुख सोनिया जीआरले आफ्नो कार्यक्रम ‘डीएसए स्टार’का विजेताले अन्तर्राष्ट्रिय प्रतियोगितामा शीर्षसहित विधागत अवार्ड जित्दा गौरवको अनुभव गरेको जनाइन् ।

सम्बन्धित समाचार

र्‍याप ब्याटल शो ‘ब्याटल भूमि’को घोषणा

कन्दराले ल्यायो ‘हुनेछः द सङ अफ होप’

मौन स्नान गरी मनाइयो सोमबारे औँसी

नयाँ गीत ल्याउँदै ‘कन्दरा’ ब्याण्ड