हनुमानको सिक्वेलमा राम चरणलाई प्रस्ताव

काठमाडौं । प्रशान्त बर्मा निर्देशित र तेजा सज्जा स्टारर फिल्म ‘हनुमान’ले बक्सअफिसमा राम्रो व्यापार गरिरहेको छ । फिल्मले विश्वव्यापी रुपमा एक सय करोडको आँकडा पार गरिसकेको छ । यो फिल्मका निर्माताले यसको सिक्वेल ‘जय हनुमान’को घोषणा पनि गरिसकेका छन् ।

फिल्मको सिक्वेलका लागि निर्माताले साउथ सुपरस्टार राम चरणलाई प्रस्ताव गरेका छन् । उनीहरुले राम चरणले श्रीरामको भूमिका निभाउन भन्ने चाहेका छन् । हालसम्म राम चरणले यो विषयमा आधिकारिक मुख खोलेका छैनन् ।

राम चरणले यसअघि सुपरहिट फिल्म ‘आरआरआर’मा रामको भूमिका निर्वाह गरेका थिए । फिल्म ‘हनुमान’ प्रशान्तको सिनेम्याटिक युनिभर्सको पहिलो भाग हो ।

निर्देशकले आगामी युनिभर्समा २० कथालाई जोडेर १२ सुपरहिरो निर्माण गर्ने तयारी गरिरहेका छन् । यो युनिभर्सको दोस्रो इन्स्टलमेन्ट ‘अधीरा’ हुनेछ । यो फिल्ममार्फत दक्षिण भारतका प्रख्यात निर्माता डीवीवी दनय्याका छोरा कल्याण डेब्यु गर्दैछन् ।

सम्बन्धित समाचार

चलचित्र ‘एक्लो’को क्यारेक्टर पोस्टर सार्वजनिक

क्यान्सरसँग जुधिरहेका विवेक पंगेनीको निधन

प्रदर्शनमा आयो फिल्म ‘बम बहादुर’

फिल्म ‘पिताम्बर’को रिलिज मिति घोषणा