विष्टले ल्याए ‘बिर्सन सकिँदैन’
रंग नेपाल
२०८० पुष ११ मा प्रकाशित
काठमाडौं । चलचित्र ‘बलिदान’ का निर्माता पवन विष्टको आवाज र अभिनयमा म्युजिक भिडियो ‘बिर्सन सकिँदैन’ निर्माण भएको छ । गीतको भिडियो ओएसआर डिजिटलले सार्वजनिक गरेको छ ।
पवन विष्टको अनुपम रचना, शब्द र स्वर रहेको गीतमा निर्माता विष्टलाई रोजीका पोखरेलले अभिनयमा साथ दिएका छन् ।
सङ्गीतकार राजु सिंहले एरेन्जर सञ्जीव बराइलीसँग सहकार्य गरेर मिठो गीत ध्वनि बनेको छ । मनकृष्ण महर्जनको छायाङ्कन र कृष्ण भण्डारीको सम्पादन र कलर ग्रेडिङले भिजुअल रूप मनमोहक लाग्छ । गीतको भिडियो मात्रै होइन, गीतमा बुनिएका शब्द पनि मिठा लाग्छन् ।
गीतमा प्रेम पुरी गीतका सहायक निर्माता छन् । सन्तोष सेनको निर्देशन तथा कथामा निर्माण भएको गीतको भिडियोमा सहायक निर्देशक नीरजन शाही ठकुरी रहेका छन् ।
