मेनुका पौडेलले पाइन् ‘सलार’मा गायनको अवसर

काठमाडौं । भारतीय चर्चित गायन रियालिटी शो ‘इण्डियन आइडल’मा प्रतिस्पर्धा गरिरहेकी नेपालकी मेनुका पौडेलले प्रतीक्षित फिल्म ‘सलार’मा गीत गाउने मौका पाएकी छन् ।

‘इण्डियन आइडल’मा दिएको उम्दा प्रस्तुतिका कारण उनलाई यो अवसर मिलेको हो । आइतबार राती प्रसारित एपिसोडमा मेनुका स्वयमले यो कुराको जानकारी दिँदै खुशी साटेकी हुन् । उनले फिल्ममा गीत गाउने अवसर पाएको जानकारी गराएपछि जजले उठेर सम्मान समेत व्यक्त गरेका थिए ।

उक्त एपिसोडमा मेनुकाले सलारका लागि स्टुडियोमा पुगेर गीत गाउन लागेको भिडियो पनि प्रस्तुत गरिएको थियो ।

‘सलार’का संगीतकार रवि बसरुरको संगीतमा फिल्मको एक गीतमा उनले स्वर दिएकी हुन् । उनको स्वर फिल्मको हिन्दी भर्सनका लागि रेकर्ड गरिएको हो । ‘सलार’ डिसेम्बर २२ (पुस ६)बाट प्रदर्शनमा आउने फिल्म हो ।

मेनुका ‘इन्डियन आइडल’को उत्कृष्ट १४ मा पुगिसकेकी छन् । उत्कृष्ट प्रस्तुति दिइरहेकी उनको गायकीको सबैतिर प्रशंसा भइरहेको छ ।

सम्बन्धित समाचार

रश्मिलाज फेसियल हाउसले मनायो १७औं वार्षिकोत्सव

भारतीय गायक सोनु निगम नेपाल आउँदै

यस्तो छ ‘फिरफिरे फिरिरी’को नयाँ गीत ‘अलमल जिन्दगी’

कमल विरहीको देउडा गीत ‘सुनतारा’ बजारमा