हरिवंश आचार्यको ‘हामी नेपाली, हाम्रो खेलाडी’ बोलको गीत सार्वजनिक

काठमाडौं । नेपाली खेलाडीको सम्मानस्वरूप हास्य कलाकार हरिवंश आचार्यले ‘हामी नेपाली, हाम्रो खेलाडी’ बोलको गीत सार्वजनिक गरेका छन् ।

नेपाल ‘टी–२० विश्वकप’ मा छनोट भएको र नेपालमा खेलप्रतिको इज्जत बढिरहेको अवस्थामा गीत सार्वजनिक गरेको आचार्यले बताए । डा. दीपराज थापाको शब्द रचना रहेको गीतको भिडियोमा विभिन्न खेलमा लागेका नयाँ पुराना खेलाडीका यथार्थ श्रव्यदृश्य समेटिएका छन् ।

“गीतकार थापाले खेलाडीसम्बन्धी खेल गीत लेख्नुभएको रहेछ,” आचार्यले भने, “मलाई गाइदिनुस् भन्नुभयो । पुराना खेलाडीलाई अहिलेको पुस्ताले बिर्सिसकेको अवस्था उहाँहरूप्रति पनि सम्मान हुने हिसाबले गीत गाएँ । त्यसैले गीतको भिडियोमा पुराना नयाँ खेलाडीले खेलेका वास्तविक दृश्यहरू राखेका छौँ । खेलाडीप्रति सम्मान बोकेको यो गीत नेपालको खेल स्टेडियममा पनि बज्छ भन्ने हाम्रो अपेक्षा छ ।”

विशाल निरौलाको सङ्गीत र एरेन्ज रहेको यो गीतको भिडियो राष्ट्रिय खेलकुद परिषद्मा समेत खिचिएको छ ।

https://www.youtube.com/watch?v=N3ysomgtcNg&ab_channel=MahaSanchar

सम्बन्धित समाचार

रश्मिलाज फेसियल हाउसले मनायो १७औं वार्षिकोत्सव

भारतीय गायक सोनु निगम नेपाल आउँदै

यस्तो छ ‘फिरफिरे फिरिरी’को नयाँ गीत ‘अलमल जिन्दगी’

कमल विरहीको देउडा गीत ‘सुनतारा’ बजारमा