काठमाडौंमा राति १ बजेसम्म देउसी भैलो खेल्न पाइने
रंग नेपाल
२०८० कार्तिक २४ मा प्रकाशित
काठमाडौं । तिहारमा काठमाडौं महानगरपालिकाभित्र राति १ बजेसम्म देउसी भैलो खेल्न पाइने भएको छ ।
काठमाडौं महानगरपालिकाका मेयर बालेन साहले राति १ बजेसम्म देउसी भैलो खेल्ने समय निर्धारण गरिएको जानकारी दिएका छन् । विगतका वर्षहरूमा कोभिडको कारण तथा सुरक्षाको कारणले गर्दा तिहारमा देउसी भैलो खेल्ने समय राती ९ बजेसम्म मात्र तोकिएकोमा यो वर्ष १ बजेसम्म मिलाइएको साहले जानकारी दिएको छन् ।
राति १ बजेसम्म सुरक्षाको लागि पेट्रोलिङको ब्यबस्थासमेत मिलाएको र सोही अनुसार जिल्ला प्रशासन कार्यालय र नेपाल प्रहरीलाई सुरक्षा व्यवस्था मिलाउन उनले आग्रह गरेका छन् ।
