नेपाली फिल्म कबड्डी ४ युट्युबमा रिलिज
रंग नेपाल
२०८० कार्तिक १५ मा प्रकाशित
काठमाडौं । नेपाली फिल्म ‘कबड्डी ४ : द फाइनल म्याच’ युट्युबमा रिलिज गरिएको छ । मंगलबार बाँसुरी फिल्मसको अफिसियल युट्युब च्यानलबाट फिल्म रिलिज गरिएको हो ।
यो फिल्म गत वर्ष वि.सं. २०७९ जेठ १३ गते हलमा रिलिज भएको थियो । हलमा रिलिज भएको डेढ वर्षपछि फिल्म युट्युबमा आएको हो ।
रामबाबु गुरुङले निर्देशन गरेको कबड्डी ४ नेपालमा सर्वाधिक कमाइ गर्ने नेपाली फिल्म हो । चलचित्र विकास बोर्डका अनुसार फिल्मले घरेलु बक्स अफिसमा करिब २२ करोड कमाइ गरेको थियो ।
फिल्ममा दयाहाङ राई, सौगात मल्ल, मिरुना मगर मुख्य भूमिकामा छन् । फिल्ममा गौमाया गुरुङ, बुद्धि तामाङ, विजय बराल, कमल मनी नेपाल, जयानन्द लामा, पुस्कर गुरुङ, कविता आलेलगायतका कलाकारको अभिनय छ ।
