फेसबुकमा अलबिदा लेखेका मुसिकोटका वडाध्यक्ष मृत भेटिए
रंग नेपाल
२०८० भदौ २ मा प्रकाशित
काठमाडौं । गुल्मीको मुसिकोट नगरपालिका-१ का वडाध्यक्ष मोहन घिमिरे मृत अवस्थामा भेटिएका छन् ।
शनिबार बिहान करिब ५ बजे फेसबुक स्टाटसमा अलबिदा लेखेका घिमिरे बिहान साढे सात बजे रुखमा झुन्डिएको अवस्थामा मृत फेला परेका हुन् ।
‘परिस्थितिको चपेटामा परेपछि बाच्नुको अर्थ हुदो रहेनछ । प्रिय अनिता, साथ निभाउन सकेन, मलाई माफ गरे,’ उनले फेसबुकमा लेखेका थिए, ‘घर परिवार, साथीभाइ, शुभ चिन्तक सबैसँग माफी चाहन्छु । अल बिदा ।’
घिमिरे घरबाट करिब डेढ घण्टाको दूरीमा रहेको घन्टुङ भन्ने जंगलमा मृत भेटिएको जिल्ला प्रहरी कार्यालय गुल्मीले जनाएको छ ।
