जहाजमा चुरोट तान्ने युवक त्रिभुवन अन्तर्राष्ट्रिय विमानस्थलबाट पक्राउ
रंग नेपाल
२०८० जेठ २५ मा प्रकाशित
काठमाडौं । जहाजमा चुरोट तानेको आरोपमा प्रहरीले एक जनालाई त्रिभुवन अन्तर्राष्ट्रिय विमानस्थलबाट पक्राउ गरेको छ ।
बुधबार राति ७ बजे दक्षिण कोरियाबाट काठमाडौं आएको जहाजमा चुरोट तानेको आरोपमा एक जनालाई प्रहरीले पक्राउ गरेको हो । कोरियन एयरलाइन्स ६९५ नम्बरको फ्लाइटमा आएका झापाका २८ वर्षीय सुवास पुरीलाई प्रहरीले पक्राउ गरेको हो ।
विमानस्थल ओर्लिनेवित्तिकै उनलाई विमानस्थल प्रहरीले पक्राउ गरेको हो । पक्राउ परेका उनलाई थप अनुसन्धान गर्न प्रहरी वृत्त गौशाला पठाइएको विमानस्थलले जनाएको छ ।
