हिमाली जिल्ला डोल्पामा खिचिएको चलचित्र ‘टुल्की’को फोटो कथा
रंग नेपाल
२०८० जेठ ९ मा प्रकाशित
काठमाडौं । बहुपति प्रथामाथि बनेको चलचित्र ‘टुल्की’ यही जेठ १२ गतेदेखि देशभर प्रदर्शन हुँदै छ ।
हिमाली क्षेत्रमा प्रचलित बहुपति प्रथामा आधारित चलचित्र ‘टुल्की’ ‘द पाल्म ग्रुप प्रालि’को ब्यानरमा निर्माण गरिएको छ । चलचित्रमा हिमाली भेगमा प्रचलित बहुपति प्रथालाई देखाइएको छ । ‘टुल्की’ चलचित्रलाई हिमाली जिल्ला डोल्पामा खिचिएको हो ।
चलचित्रको निर्देशन देवजङ्ग थापाले र छायांकन सुसिल अधिकारी र नमराज घिमिरेले गरेका छन् । शेखर लामाको प्रस्तुतिमा निर्माण भएको चलचित्रमा आरपी कर्माचार्य र उजेली लामा निर्मातामा रहेका छन् ।
चलचित्रको कथा लक्ष्मण सुनारले लेखेका हुन् भने स्क्रिन–प्ले शेखर लामाको रहेको छ । चलचित्रमा सम्पादन तारा थापा किम्भेको, पार्श्व संगीत संजिव सुब्बाको, कोरियोग्राफी लिगेश भट्टराइ र रमेश बुढाथोकीको रहेको छ ।
चलचित्रमा शिशिर वाङ्देल, स्वस्तिमा कार्की, सोफिया लिम्बू, नरेन्द्र तामाङ, सोम लामा, शेखर लामा, सौजन सुब्बा, भक्तसिंह कठायत, रत्नप्रसाद न्यौपानेलगायत कलाकारको अभिनय रहेको छ ।
चलचित्र ‘टुल्की’ले नेपाल ग्रामिण चलचित्र महोत्सव २०७९ मा उत्कृष्ट फिचर फिल्म र ‘स्क्रिन प्ले’ अवार्ड जित्न सफल बनेको थियो ।
