फिल्म ‘चोर पुलिस : टम एण्ड जेरी’ बन्ने
रंग नेपाल
२०८० वैशाख १३ मा प्रकाशित
काठमाडौं । निर्देशक मुकुन्द भट्टले फिल्म ‘चोर पुलिस : टम एण्ड जेरी’को घोषणा गरेका छन् । फिल्म निर्माणको औपचारिक घोषणा गर्दै बुधबार निर्माण टिमले टिजर पोस्टर सार्वजनिक गरेको हो ।
फिल्ममा सौगात मल्ल, अर्पण थापा, शक्ति श्रेष्ठ, पुष्प खड्का, अनुपविक्रम शाही, कामेश्वर चौरसिया, सुपर गुरुङ, प्रमिला उप्रेती र इन्द्रप्रसाद खरेल कलाकारको रूपमा हुने बताइएको छ ।
म्याक मिडिया एण्ड सर्भिसेजको ब्यानरमा बन्न लागेको यस फिल्मलाई सुदीपचन्द्र बखरेलले निर्माण गर्ने भएका छन् । फिल्मलाई नेपालसहित अमेरिका, क्यानडा र अष्ट्रेलियामा छायांकन गर्ने बताइएको छ ।
