‘ज्याकीः आई एम ट्वान्टी वान’को फस्टलुक सार्वजनिक
रंग नेपाल
२०७९ फागुन ७ मा प्रकाशित
काठमाडौं । रेनाशा राई राणाले निर्देशन गरेको फिल्म ‘ज्याकीः आई एम ट्वान्टी वान’को फस्टलुक भिडियो सार्वजनिक भएको छ । निर्माण टिमले भिडियो सार्वजनिक गर्दै वैशाख २१ गतेलाई प्रदर्शन मिति तय गरेको छ ।
सार्वजनिक भिडियोमा अभिनेता धिरज मगरलाई प्रस्तुत गरिएको छ । प्रभु शमशेर जबरा र प्रज्ज्वल शमशेर जबराको निर्माणमा तयार भएको फिल्ममा धिरजसँगै जसिता गुरुङ र अरुण क्षेत्रीको पनि मुख्य भूमिका छ ।
आई कोर फिल्म्स ब्यानरमा निर्माण भएको फिल्ममा रोहित शाक्य र कालिप्रसाद बाँस्कोटाको सङ्गीत, सुशन प्रजापतिको छायाङ्कन, द वाइल्ड रिपर्ज क्रुको कोरियोग्राफी छ ।
