अभिनेत्री करिष्मा मानन्धरको चरित्रहत्या गरेको आरोपमा डिल्लीराम खनाल पक्राउ
रंग नेपाल
२०७९ फागुन ५ मा प्रकाशित
काठमाडौं । अभिनेत्री करिष्मा मानन्धरको चरित्र हत्या गरेको आरोपमा एक जना पक्राउ परेका छन् ।
युट्युवमा अभिनेत्री करिष्माको विषयमा अभिव्यक्ति दिँदै चरित्र हत्या गरेको अभियोगमा डिल्लीराम खनाल पक्राउ परेका हुन् ।
केन्द्रीय साइबर ब्युरोले खनाललाई पक्राउ गरेको हो । अभिनेत्री करिष्माले माघ २४ गते खनालविरुद्व साइबर ब्युरोमा उजुरी दिएकी थिइन् ।
पक्राउ परेका खनालमाथि आवश्यक अनुसन्धान भइरहेको प्रहरीले जनाएको छ ।
