‘जेरी : अन टप’को थिम पोस्टर सार्वजनिक
रंग नेपाल
२०७९ फागुन ३ मा प्रकाशित
काठमाडौं । अनमोल केसी र आना शर्माको अभिनय रहने फिल्म ‘जेरी : अन टप’को थिम पोस्टर सार्वजनिक गरिएको छ । सन् २०१४ मा रिलिज भएको फिल्म जेरीको यो दोस्रो शृङ्खला हो ।
सार्वजनिक पोस्टरमा एक युवालाई ब्याग बोक्दै लौरी टेकेर यात्रामा हिँडिरहेको देख्न सकिन्छ ।
फिल्ममा अनमोल र आनासँगै पूर्णिका सिंजापति पनि प्रमुख भूमिकामा देख्न सकिनेछ । अनन्या फिल्म्स र नेपकम्स ग्लोबलको निर्माण रहने फिल्मका निर्माता सरोज न्यौपाने र रामकृष्ण श्रेष्ठ छन् । फिल्मलाई हेमराज बीसीले निर्देशन गर्दैछन् भने कथा, पटकथा तथा संवादमा बीसी र विश्वास तिमल्सिनाले सहकार्य छ ।
फागुन अन्तिमदेखि छायांकन हुने फिल्मलाई नेपालको सगरमाथा क्षेत्र, अमेरिका र अष्ट्रेलियामा छायांकन गर्ने तयारी रहेको बताइएको छ ।
