चलचित्र ‘ह्यारी की प्यारी’ को ट्रेलर सार्वजनिक
रंग नेपाल
२०७९ पुष २४ मा प्रकाशित
काठमाडौं । हाँस्य कलाकार जीतु नेपाल र अभिनेत्री साम्राज्ञी राज्य लक्ष्मी शाह अभिनित चलचित्र ‘ह्यारी कि प्यारी’ को ट्रेलर सार्वजनिक भएको छ ।
माघ २० गतेदेखि प्रदर्शनमा आउने बीआर प्रोडक्सनको चलचित्र ‘ह्यारी की प्यारी’ को २ मिनेट ३७ सेकेण्ड लामो सार्वजनिक भएको हो ।
डा कपिल रिजालको डेब्यू निर्देशन रहेको चलचित्रमा जीतु र साम्राज्ञीसँगै विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समीक्षा पौडेल, रमेश अधिकारी, डिल्लीराम खनालको अभिनय रहेको छ ।
चलचित्रमा डा. भोला रिजालको गीत रचना, शिखर सन्तोष र युग भुषालको संगीत, सपनकुमार राई, सौभर दास, थोम्सन एन्ड्रयुज, मीना निरौला र देवाञ्जली जोशीको गायन र कविराज गहतराजको कोरियाग्राफी रहेको छ ।
सुदीप बरालले छायाँकन गरेको चलचित्रलाई अर्जुन जिसीले सम्पादन गरेका हुन् ।
