‘प्रेमगञ्ज’ वैशाख १ देखि ओटीटीमा आउने

काठमाडौं । हलमा प्रदर्शन भइसकेको फिल्म ‘प्रेमगञ्ज’ अब ओटीटी प्लेटफर्ममा रिलिज हुने भएको छ । फिल्मलाई नयाँ वर्षको अवसरमा सिनेमा घर एपमा वैशाख १ गतेदेखि हेर्न पाउने भएका हो ।

‘फेरी भेट होला नहोला’ बोलको गीत रिलिज गर्दै निर्माण टिमले हलमा हेर्न नपाएका दर्शकलाई लक्षित गरी फिल्म रिलिज गर्न लागेको जानकारी गराएको हो । परिच्छेद सेनको लेखन तथा निर्देशन रहेको फिल्मले दुई कालखण्डको प्रेमकथा प्रस्तुत गर्छ ।

फिल्ममा तेज गिरी र बेनिशा हमालको शीर्ष भूमिकामा छन् । फिल्ममा सम्पदा बानियाँ, नरेश पौडेल, रश्मि भट्ट, गीता अधिकारी, पवन भट्टराई लगायतको अभिनय छ। अभिनेत्री सुरक्षा पन्त फिल्ममा अतिथि भूमिकामा छन् । चलचित्र चौतारीले निर्माण गरेको फिल्मको कार्यकारी निर्माता अनन्तमान श्रेष्ठ छन् । फिल्ममा सञ्जय लामाको छायाङ्कन र अर्जुन जिसीको सम्पादन छ ।

सम्बन्धित समाचार

चलचित्र ‘ह्रस्व दीर्घ’ नेपाली र हिन्दी भाषामा एकै दिन रिलिज हुने

‘मिसिङः केटी हराएको सूचना’ को दोस्रो पोस्टर सार्वजनिक

‘पूर्ण बहादुरको सारङ्गी’ को नयाँ गीत ‘रैया चाँदीको’ सार्वजनिक

यस्तो छ प्रदर्शनरत फिल्म ‘ज्वाइँ साब’को नयाँ गीत