धनकुटा महोत्सवको भीडमा २५ जनाभन्दा बढी घाइते, ३ को अवस्था गम्भीर

धनकुटा । धनकुटा महोत्सवमा गायक प्रमोद खरेलको ‘कन्सर्ट’ हेर्न आएकाको अनियन्त्रित भीडमा परी २५ जनाभन्दा बढी घाइते भएका छन् । उनीहरूमध्ये तीन जना गम्भीर छन् ।

धनकुटा नगरपालिका वडा नं ५ टुँडिखेलस्थित महोत्सवस्थलमा क्षमताभन्दा बढी दर्शक भएपछि ठेलमठेल हुँदा सो घटना भएको हो । घाइतेको धनकुटा अस्पतालमा उपचार हुन नसकेपछि १५ जनालाई धरानको बिपी कोइराला विज्ञान प्रतिष्ठान र विराटनगर पठाइएको धनकुटाका निमित्त प्रमुख जिल्ला अधिकारी ममता अधिकारीले जानकारी दिइन् ।

घाइत ओसार्न एम्बुलेन्स अभाव भएपछि जिल्लाका सबै सरकारी गाडी प्रयोग गरिएको छ । निमित्त प्रजिअ अधिकारीले घाइतेलाई अस्पताल पुर्‍याउनका लागि सरकारी कार्यालयका सवारीसाधन प्रयोग गर्न आफूले निर्देशन दिएको बताइन् ।यही माघ ६ गतेदेखि सुरु भएको महोत्सव उद्योग वाणिज्य संघको आयोजनामा भएको थियो ।

सम्बन्धित समाचार

स्त्री-२ ले अहिलेसम्म कति कमायो ?

गायिका गीता पाण्डेको ‘चाहेको बाटो’ गीत सार्वजनिक

सुनको मूल्य अहिलेसम्मकै उच्च

थलापति विजयको अन्तिम फिल्मको घोषणा