दक्षिण भारतीय अभिनेता सुधीर वर्माले गरे आत्महत्या

एजेन्सी । दक्षिण भारतीय चर्चित अभिनेता सुधीर वर्माले ३३ वर्षको उमेरमा आत्महत्या गरेका छन् ।

प्रहरीका अनुसार १० जनवरीमा उनले विष खाएर आत्महत्या गर्ने प्रयास गरेका थिए । उनले हैदराबादस्थित आफन्तको घरमा गएर विष सेवन गरेका थिए । विष खाएपछि उनलाई तुरुन्तै हैदरावादको उस्मानिया अस्पतालमा भर्ना गरिएको थियो । तर, उनको २३ जनवरीमा उपचार क्रममा मृत्यु भएको छ ।

अभिनेता सुधाकर कोमकुलाले सामाजिक सञ्जालमा सुधीरकाे तस्बिर शेयर गर्दै सो कुराकाे जानकारी दिएका हुन् । भारतीय सञ्चारमाध्यामका अनुसार राम्रो भूमिका र काम नपाएका कारण सुधीर लामो समयदेखि डिप्रेसनमा थिए । जसका कारण उनले आत्महत्या गरेको बताइएको छ । तर, यसको आधिकारिक कारण भने खुल्न सकेको छैन ।

सम्बन्धित समाचार

स्त्री-२ ले अहिलेसम्म कति कमायो ?

गायिका गीता पाण्डेको ‘चाहेको बाटो’ गीत सार्वजनिक

सुनको मूल्य अहिलेसम्मकै उच्च

थलापति विजयको अन्तिम फिल्मको घोषणा