बैंकिङ करिअरबाट बाहिरिएकी रविनाले गरिन् प्रेमीको तस्वीर सार्वजनिक
रंग नेपाल
२०७९ पुष १६ मा प्रकाशित
काठमाडौं । बैंकिङ करिअरबाट बाहिरिएकी रविना देशराज श्रेष्ठले आफ्ना प्रेमीको तस्वीर सार्वजनिक गरेकी छन् ।
एक साता अघि मात्रै मेगा बैंकबाट स्वेच्छिक अवकाश लिएकी कायममुकायम प्रमुख कार्यकारी अधिकृत रविनाले सामाजिक सञ्जालमार्फत आफ्ना प्रेमीको तस्वीर सार्वजनिक गरेकी हुन् ।
‘साथीहरू, ३२ वर्षको बैंकिङ करिअरबाट बाहिरिएपछि मेरो जीवन मात्रै परिवर्तन भएको छैन् । मेरा पुर्खाहरू र ब्रह्माण्डको आशीर्वादका कारण मैले एकदमै दयालु, सम्मानजनक, कुरा बुझ्ने र मायालु सहयात्री पनि पाएको छु । रविनाले भनेकी छन्, यो कुरा बाँड्न पाउँदा मलाई अत्यन्त खुसी लागेको छ ।’
बैंकिङ क्षेत्रमा राम्रो अनुभव बटुलेर इन्टरनेशनल अवार्डसमेत पाउन सफल रविना कलाकार आयुष्मान र आशीरमानकी आमा तथा प्रियंका कार्कीकी सासूआमा समेत हुन् । रविनाले आफूलाई सबैले शुभकामना दिनेमा आशा रहेको समेत उल्लेख गरेकी छन् ।
तस्वीरहरु: रविना देशराज श्रेष्ठको फेसबुकबाट
