‘दिलमाया २’ पुस २९ बाट प्रदर्शनमा आउने
रंग नेपाल
२०७९ असार २९ मा प्रकाशित
काठमाडौँ । फिल्म ‘दिलमाया’को दोस्रो श्रृंखला आगामी पुस २९ गते प्रदर्शनमा आउने भएको छ ।
निर्माण पक्षले फिल्मका दुई नयाँ पोस्टर सार्वजनिक गर्दै रिलिज मिति तय गरेको हो । फिल्मको अहिले पोष्ट प्रोडक्सनको काम भइरहेको निर्देशक राजु गिरीले बताए ।
राजु गिरी प्रोडक्सनको ब्यानरमा निर्माण भएको फिल्ममा ‘२ नम्बरी’ फेम्ड निर्माता किरण नेपाली, सञ्जीला पौडेल, सविन बास्तोला लगायतको अभिनय छ ।
फिल्ममा अर्जुन पोखरेलको संगीत, भीष्मराज फुलाराको शब्द रचना, रामजी लामिछानेको नृत्य निर्देशन, देव महर्जनको द्वन्द्व निर्देशन, विष्णु निराकर र सुस्मिता खत्रीको छायांकन छ ।
