नेपहपका विजेतालाई मेयर बालेनले लगाइदिएको मुकुट किन आयो विवादमा ?
रंग नेपाल
२०७९ असार १९ मा प्रकाशित
काठमाडौँ । र्याप ब्याटल टीभी रियालिटी शो ‘नेपहपको श्रीपेच’का विजेतालाई दिइएको मुकुट विवादमा परेको छ ।
शनिबार शोका विजेता भाइबर साइमनलाई निर्णायक समेत रहेका काठमाडौँ महानगरपालिकाका मेयर बालेन्द्र साह (बालेन)ले मुकुट लगाइदिएका थिए ।
संस्कृति तथा सम्पदा अभियन्ताहरुले यो मुकुट बज्रयान बुद्ध धर्मअनुसार गुरुबाट बज्राचार्य अभिषेक पाएपछि लगाउने भन्दै विरोध गरेका हुन् ।
अभियन्ताहरुले यो मुकुट र्याप ब्याटल जितेर पाउने पुरस्कार नभएको भन्दै पञ्च तथागतअनुसार बनाइएको त्यसको राख्न ध्यान दिन आग्रह गरेका छन् ।
उता सोका आयोजकले भने आफूहरुलाई मुकुट चाहिएको र आफूले आधा घण्टा अगाडि मात्रै पाएको बताए ।
रियालिटी शोको फिनाले शनिबार सम्पन्न भएको थियो ।
