‘ए मेरो परदेशी’ सार्वजनिक
रंग नेपाल
२०८१ कार्तिक २३ मा प्रकाशित
काठमाडौं । गायिका अञ्जली डिसीको स्वरमा रहेको ‘ए मेरो परदेशी’ बोलको गीत सार्वजनिक भएको छ ।
नेपाली युवायुवतीको जीवन भोगाईलाई गीतमा समेटिएको छ । देशमा रोजगारीको अभावमा विदेशिएका युवायुवतीबीचको पीडा र भोगाईलाई गीतमा समेटिएको छ ।
लामो समयदेखि वैदेशिक रोजगारीको शिलशिलामा ओमानमा कार्यरत काशीराम सुनार अर्थात् काशी जेट्लीको शब्द तथा संगीत र विशाल निरौलाको संगीत संयोजनमा गीत तयार गरिएको हो । विभिन्न दुःख पीडामा परेका नेपालीलाई उद्धार गर्दै आएका काशीराम सुनारले छोटो समयको बिदा मनाउन स्वादेशमा आएको मौकाको सदुपयोग गरेको र समग्र युवाको प्रतिनिधित्व गर्दै गीत बजारमा ल्याएको बताए ।
दिनेश पराजुलीको छायाँकन, दिनसन शाहको सम्पादन र गम्भिर विष्टको निर्देशन भिडियोमा रहेको छ । गीतमा नायिका केकी अधिकारी र काशीराम सुनार र रमा थपलियाको अभिनय देख्न सकिन्छ ।
