५१ दिनमा ‘छक्का पञ्जा ४’

काठमाडौं । गत फागुन १९ गतेदेखि प्रदर्शनमा रहेको चलचित्र ‘छक्का पञ्जा–४’ ले काठमाडौं उपत्यकाका एघार र मोफसलका छ हलमा एकसाथ एकाउन्न दिन पार गरेको छ ।

यो समूहको अघिल्ला चलचित्र झैँ यसलाई पनि दर्शकले माया दिएका छन् । अभिनेता, निर्माता तथा लेखक दीपकराज गिरीले दर्शकको मायाले दायित्व थपिएको बताए ।

‘हामीले चलचित्र निर्माण गरेदेखि नै एकाउन्न दिनको यात्रा तय गरिरहेका छौँ, यसले दायित्व थपेको छ, हामीले अझै मेहनती भएर दर्शक मन जित्नुपर्ने हुन्छ,’ गिरीले भने ।

दर्शकले सामाजिक सञ्जालसँगै विविध माध्यममार्फत ‘छक्का पञ्जा–५’ ल्याउनुपर्ने माग राखिरहेका छन् ।

चलचित्रमा दीपाश्री निरौला, केदार घिमिरे, बेनिशा हमाल, मेलिना जोशी, बुद्धि तामाङलगायत कलाकारले अभिनय गरेका छन् ।

‘छक्का पञ्जा’ को तेस्रो शृङ्खलासम्म अभिनेत्री निरौलाले नै निर्देशन गरे पनि चौथो शृङ्खलालाई हेमराज बीसीले निर्देशन गरेका हुन् ।

सम्बन्धित समाचार

चलचित्र ‘ह्रस्व दीर्घ’ नेपाली र हिन्दी भाषामा एकै दिन रिलिज हुने

‘मिसिङः केटी हराएको सूचना’ को दोस्रो पोस्टर सार्वजनिक

‘पूर्ण बहादुरको सारङ्गी’ को नयाँ गीत ‘रैया चाँदीको’ सार्वजनिक

यस्तो छ प्रदर्शनरत फिल्म ‘ज्वाइँ साब’को नयाँ गीत