गायक राजेश पायल राई र शर्मिला वाइबाबीच एयरपोर्टमै लफडा
रंग नेपाल
२०७९ फागुन १७ मा प्रकाशित
काठमाडौं । गायक राजेश पायल राई र सर्मिला वाइवाबीच मंगलबार त्रिभुवन अन्तर्राष्ट्रिय विमानस्थलमै लफडा भएको छ ।
अभिनेता पल शाहलाई स्वागत गर्न पुगेका गायक राई र वाइवाबीच लफडा भएको हो । शर्मिला पत्रकार ऋषि धमलासँग नाम जोडिएर विवादमा आइरहन्छिन् ।
मंगलबार पनि गायक राईले धमलासँगै जोडेर शर्मिलालाई प्रश्न गरेपछि विवाद भएको हो । राईले ‘जनता जान्न चाहान्छन् । तपाईले ऋषि धमलालाई किन फसाउन खोज्नुभयो ?’ भन्दै प्रश्न गरेपछि शर्मिला भड्किएकी थिइन् ।
विवाद चर्किँदै गएपछि विमानस्थलमा पुगेका अन्य व्यक्तिहरुले पत्रकारहरुले दुवै जनालाई शान्त बनाएका थिए ।
