पल शाहले जेलमै मनाए जन्मदिन

काठमाडौं । अभिनेता पल शाहले जेलमै आफ्नो जन्मदिन मनाएका छन् । शाहले बुधबार तनहुँ जेलभित्रै जन्मदिन मनाएका हुन् । पल बुधबार ३३ वर्ष पुगेका छन् । कारागार प्रशासनले आफन्त र केही साथीभाइको उपस्थितिमा केक काटेर जन्मदिन मनाउन शाहलाई अनुमति दिएको थियो ।

पललाई जन्मदिनको शुभकामना दिन अभिनेत्री पूजा शर्मा, निर्देशक शोभित बस्नेत र संगीतकार योगेशकाजी लगायतका कलाकारहरु कारागारमै पुगेका थिए । पूजाले पल र पूजाको फोटो भएको केक बोकेर पुगेकी थिइन् । पललाई तनहुँ जिल्ला अदालतले जबर्जस्ती करणीको मुद्दामा सफाइ दिइसकेको छ । उनी यतिबेला नवलपुर जिल्ला अदालतले बालयौन दुर्व्यवहारको आरोपमा साढे दुई वर्ष जेल सजाय काटिरहेका छन् । नवलपुर अदालतको फैसललाई चुनौती दिंदै पलले उच्च अदालत पोखरामा पुनरावेदन दिएका छन् ।

सम्बन्धित समाचार

स्त्री-२ ले अहिलेसम्म कति कमायो ?

गायिका गीता पाण्डेको ‘चाहेको बाटो’ गीत सार्वजनिक

सुनको मूल्य अहिलेसम्मकै उच्च

थलापति विजयको अन्तिम फिल्मको घोषणा