कलाकार महादेव त्रिपाठीलाई अमेरिकामा ‘गोर्खाली सम्मान’

काठमाडौं । चर्चित हास्य कलाकार महादेव त्रिपाठी अमेरिकामा सम्मानित भएका छन् । अमेरिकाको न्यु जर्सी राज्यका क्राउन्सिल प्रेसिडेन्ट जोयर वाटरम्यानले उनलाई ‘गोर्खाली सम्मान’द्धारा सम्मानित गरेका हुन् ।

अमेरिकाको न्यु जुर्सीमा आयोजित एक समारोहकाबीच उनलाई उक्त सम्मान डा। विष्णुमाया परियारले प्रदान गरेकी थिइन् । नेपाली नागरिक परियार वाटरम्यानकी सल्लाहकार हुन् । शारिरक अवस्थतताको कारण वानरम्यानले आफ्नो प्रतिनिधित्वको रुपमा परियारलाई पठाएका थिए ।

अमेरिकाको एक सहरका मेयरबाट पुस्किृत हुन पाउदा आफुलाई गर्भ लागेको बताए । आफुले पाएको सम्मान आफ्नो मात्र नभएर पुरै नेपालीको सम्मान भएको सुनाए । परियार यस अगाडि जर्सी सिटी सहरका मेयर स्टिभन फुलपको विविधता र समावेसी बोर्डकी पुर्व सल्लाहकार रहेकी परियार हाल जर्सी सिटी सहरको महिला सल्लाहकार तथा रोजगार तालिम कमिटीको सदस्य रहेकी छन् । कार्यक्रममा चर्चित फाटो ग्राफर सागर गुरुङ, रमेश कुमार दर्नाल लगायतको उपस्थिती रहेको थियो ।

अमेरिकामा नेपाली कलासंस्कृति प्रदर्शन र सांगीतिक मनोरञ्जनको उदेश्यले करिब दुई दर्जन कार्यक्रम सहित केही महिना पहिले अमेरिकामा पुगेका कलाकार त्रिपाठीले जादु, कमेडी र गीतसंगीतबाट दर्शक झुमाउदै आएका छन् ।

त्रिपाठीले अमेरिकाको न्युयोर्क, भर्जेनिया, क्यालिफोनिया, डालस, न्यु जर्सी लगायतका स्थानमा करिब एक दर्जन कार्यक्रम गरिसकेका छन् । अझै अमेरिकाको विभिन्न शहरमा केही कार्यक्रम बाँकी रहेको त्रिपाठीले जानकारी दिए ।

त्रिपाठीलाई नेपालबाट अमेरिका कार्यक्रमका लागि मनास्लु वल्र्ड कलेज चुच्चेपाटीले पठाएको हो । अमेरिकामा रहेका नेपालीलाई मनोरञ्जन दिलाउँदै अमेरिकाको विभिन्न शहमा नेपाली कलासंस्कृति प्रदर्शन गर्नु र अमेरिका निवासी नेपाली तथा अमेरिकीलाई नेपाल भ्रमणमा आकषर्ण गर्नु उनको अमेरिका कार्यक्रमको उदेश्य हो । कलाकार त्रिपाठी अमेरिकाको विभिन्न ठाउँमा सम्मानित समेत हुँदै आएका छन् ।

सम्बन्धित समाचार

‘ए मेरो परदेशी’ सार्वजनिक

बुढानीलकण्ठमा ‘दी कफी क्लब’ 

अन्तर्राष्ट्रिय बजारमा पनि तहल्का पिट्दै चलचित्र ‘पूर्णबहादुरको सारङ्गी’

‘मिसिङः केटी हराएको सूचना’को गीत ‘सपनीमा’को छायांकन